Algúns datos

Cada ano, preto de 800.000 persoas quítanse a vida en todo o mundo e moitas máis tentan facelo. Segundo o INE, no ano 2017 houbo 3.679 suicidios en España, 110 persoas máis que o ano anterior. O 74% deles foron homes e o 26% mulleres.

Aínda que o maior número de suicidios prodúcese entre os 30 e 40 anos, a maior taxa de suicidio dáse na franxa dos 65 aos 90. O risco de suicidio aumenta coa idade, especialmente nos homes. Con todo, non debemos desatender o problema na etapa moza: segundo a OMS, o suicidio é a segunda causa principal de defunción entre as persoas de 15 a 29 anos en todo o mundo.

Galicia, lamentablemente, está no máis alto da clasificación de suicidios de España. No ano 2017 morreron 323 persoas por suicidio en Galicia, sendo a cuarta comunidade autónoma en cifras absolutas tras Andalucía (702), Cataluña (519) e Madrid (345). Con todo, tendo en conta o número de habitantes, Galicia é a segunda comunidade con maior taxa de suicidio, cunha cifra de 11,95 suicidios por cada 100.000 habitantes. Na cabeza sitúase Asturias, cunha taxa do 12,95.

No ano 2018, pola súa banda, Galicia rexistrou a súa cifra máis baixa en número de suicidios desde o 2012: 288 casos dos cales o 70% foron homes e o 30% mulleres. Aínda así, seguen a ser cifras moi elevadas, sendo o suicidio un problema sanitario e social moi significativo en Galicia.

En termos absolutos, A Coruña é a provincia que máis suicidios rexistra, seguida de Pontevedra, Lugo e Ourense. En termos relativos, sen embargo, a taxa de incidencia mostra que o suicidio é máis relevante en Lugo (14,65 suicidios por cada 100.000 habitantes), seguido de Ourense (13,31), A Coruña (11,95) e Pontevedra (7,93).

FONTES DE DATOS:
Informe IMELGA 2018
INE 2017
Instituto Galego de Estatística 2016

%d bloggers like this: